Линкас без сахара "Вишня" №16,пастилки

Сипаттама

Дәрілік затты медициналық қолдану

жөніндегі нұсқаулық

ШИЕ, ЖАЛБЫЗ, БАЛ ЖӘНЕ ЛИМОН ДӘМІ БАР ҚАНТСЫЗ ЛИНКАС ЖӨТЕЛГЕ ҚАРСЫ ӨСІМДІК ПАСТИЛКАЛАРЫ

Саудалық атауы

ШИЕ, ЖАЛБЫЗ, БАЛ ЖӘНЕ ЛИМОН ДӘМІ БАР ҚАНТСЫЗ ЛИНКАС ЖӨТЕЛГЕ ҚАРСЫ ӨСІМДІК ПАСТИЛКАЛАРЫ

Халықаралық патенттелмеген атауы

Жоқ

Дәрілік түрі

Пастилкалар

Құрамы

1 пастилканың құрамында

белсенді заттар:

Тамырлы адхатода жапырақтарының сұйық экстрактісі0.625 мл

Кристалды ментол5 мг

қосымша заттар:

шие дәмі бар пастилкалар үшін: изомальт, аспартам, лимон қышқылы, аскорбин қышқылы, эвкалипт майы, таңқурай түстес қызыл Е129 бояғышы, шие хош иістендіргіші

жалбыз дәмі бар пастилкалар үшін: изомальт, аспартам, лимон қышқылы, аскорбин қышқылы, эвкалипт майы, титанның қостотығы Е171, жалбыз хош иістендіргіші

бал және лимон дәмі бар пастилкалар үшін: изомальт, аспартам, лимон қышқылы, аскорбин қышқылы, эвкалипт майы, қоңыр шоколад бояғышы, лимон хош иістендіргіші, бал хош иістендіргіші, сұйық паприка

Сипаттамасы

Қызғылт-қызыл немесе қызыл түсті шиеге тән дәмі бар дөңгелек пастилкалар. Қызғылт-қызыл немесе қызыл түсті шиеге тән дәмі бар сопақша пастилкалар.

Ақ түсті жалбызға тән дәмі бар дөңгелек пастилкалар. Ақ түсті жалбызға тән дәмі бар сопақша пастилкалар.

Балға және лимонға тән дәмі бар қоңыр түсті дөңгелек пастилкалар. Балға және лимонға тән дәмі бар қоңыр түсті сопақша пастилкалар.

Фармакотерапиялық тобы

Суық тию симптомдарын жоюға арналған препараттардың басқа да біріктірілімі.

ATХ коды R05Х

Фармакологиялық қасиеттері

Фармакокинетикасы

Препараттың фармакокинетикасы туралы деректер жоқ.

Фармакодинамикасы

Қантсыз жөтелген қарсы Линкас өсімдік пастилкалары – қабынуға қарсы және қақырық түсіретін әсері бар біріктірілген препарат.

Препараттың әсері оның құрамына кіретін компоненттердің қасиеттерімен шартталған.

Тамыр адхатодасы құрамында вазицинді, вазицинолды және вазицинонды қоса, эфир майы, дәрумендер және алколоидтар бар. Бұл тиімділігі жоғары байланыстар муколитикалық (секреттің қоюлығы мен тұтқырлығын азайтады), қабынуға қарсы, бронхолитикалық (тыныс алуды жеңілдете отырып, бронх спазмдарын төмендетеді) және қақырықты түсіретін (альвеолярлық жасушалардың функциясын жақсартатын сурфактанттар синтезін ынталандырады, эпителий кірпікшелерінің қозғалғыштығын арттырады және қақырықтың түсуін жеделдетеді) қасиеттер иеленген. Бұдан басқа, Тамыр адхатодасы гистаминнің әсерінен туындаған бронхтүйілуінен қорғай отырып, демікпеге қарсы әсерге иеленген.

Ментол жергілікті тітіркендіретін, ауыруды басатын, антисептикалық және тыныштандыратын әсерге иеленген, қабынуды басады және жұтынуды жеңілдетеді. Жергілікті әсері тамырдың тарылуымен, аздаған күйдіріп-ашыту сезіміне ауысатын суық сезімімен қатар жүреді. Антисептикалық әсеріне микробтық жасушалардың таңдамалы зақымдану есебінен қол жеткізіледі.

Пастиканың құрамындағы биологиялық белсенді заттар кешенді қақырық түсіретін, қабынуға қарсы, антисептикалық және ауыруды басатын әсер иеленген. Пастилкаларды баяу сорады, бұл ретте дәрілік заттар жұтқыншақтың шырышты қабығын тегіс бүркемелейді, қабынуды және тамақтағы ауыру сезімін жеңілдетеді. Жөтелдің ұзақтығы мен ауырлығын елеулі төмендетеді. Бұдан басқа, ауыз қуысына сіңіріле отырып, әсер ететін заттар тыныс алу жолдарының төменгі бөліктеріне қабынуға қарсы және қақырық түсіретін әсер етеді.

Қолданылуы

Бронхит (жедел және созылмалы), фарингит, трахеит, трахеобронхит сияқты жағдайлардағы тітіркендіретін жөтел және тамақтың ауыруы.

Қолдану тәсілі және дозалары

Ересектерге: 1 пастилкадан әр 2-3 сағат сайын. Ең жоғарғы тәуліктік доза – 8 пастилка.

Балаларға (5 жастан асқан): 1 пастилкадан әр 4-5 сағат сайын. Ең жоғарғы тәуліктік доза – 4 пастилка.

Толығымен ерігенге дейін баяу сорады.

Емдеу курсы – 3-5 күн.

Жағымсыз әсерлері

- препарат компонеттеріне аллергиялық реакциялар

Қолдануға болмайтын жағдайлар

- препарат компонеттеріне жеке жоғары сезімталдық

- 5 жасқа дейінгі балалар

Дәрілермен өзара әрекеттесуі

Жөтелге қарсы препараттармен бір уақытта қолдану ұсынылмаған.

Айрықша нұсқаулар

Препарат құрамында қант жоқ, сондықтан оны қант диабеті бар науқастарға және гипокалориялық диетадағы пациенттерге қолдануға болады!

Препараттың құрамында аспартам бар, сондықтан оны фенилкетонуриясы бар науқастарға қолдануға болмайды.

Препараттың құрамында изомальт бар, сондықтан туа біткен фруктозаны көтере алмаушылығы бар тұлғаларға қарсы көрсетілімде.

Жүктілік және лактация кезеңі

Жүктілік және лактация кезеңінде препаратты қолданар алдында дәрігерден кеңес алған жөн.

Дәрілік заттың көлік құралын немесе әлеуетті қауіпті механизмдерді басқару қабілетіне әсер ету ерекшеліктері

Әсер етпейді

Артық дозалануы

Анықталмаған

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 8, 9 пастилкадан.

1 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа 8 пастилкадан салынады.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа 8 пастилкадан салынады.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа 9 пастилкадан салынады.

Сақтау шарттары

25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Хербион Пакистан Прайвет Лимитед

30/28 Коранганың өнеркәсіптік аумағы

Карачи қ-сы, Пәкістан

Тіркеу куәлігінің иесі

Хербион Пакистан Прайвет Лимитед, Пәкістан

Қазақстан Республикасы аумағында тұтынушылардан өнім (тауар)сапасына қатысты шағымдарды қабылдайтын, дәрілік заттың тіркеуден кейінгі қауіпсіздігін қадағалауға жауапты ұйымның мекенжайы

«Фармация Юниверсал» ЖШС

Алматы қ-сы, Чаплин/Халиуллин к-сі 71/66

Тел: 234-48-53, 234-44-88

Факс: 234-41-77

E-mail: info.kz@herbion.com

Қалалар