Сипаттама
Дәрілік заттың медицинада
қолданылуы жөніндегі
нұсқаулық
FDP
Саудалық атауы
FDP
Халықаралық патенттелмеген атауы
Фосфруктоза
Дәрілік түрі
Көктамыр ішіне енгізу үшін ерітінді дайындауға арналған лиофилизацияланған ұнтақ 5 г, еріткішпен жиынтықта
Құрамы
Бір құты препараттың құрамында
белсенді зат – 5 гD-Фруктозо-1,6-дифосфат үшнатрий тұзы
(3,75г D-фруктозо-1,6-дифосфор қышқылына баламалы).
Бір құты еріткіштің құрамында
инъекцияға арналған 50 мл су, стерильді азот бар.
Сипаттамасы
Ақ түстен сәл сары түске дейінгі ұнтақ.
Фармакотерапиялық тобы
Жүрек-қантамыр жүйесі ауруларын емдеуге арналған препараттар.
Жүрек ауруларын емдеуге арналған басқа да препараттар. Басқа да кардиотоникалық препараттар. Фруктоза 1,6 дифосфат.
АТХ коды С01ЕВ07
Фармакологиялық қасиеттері
Фармакокинетикасы
250 мг/кг доза инфузиядан кейін 5 минуттан соң өлшенген плазмадағы FDP концентрациясы 770 мг/л құрайды. FDP инфузиясы аяқталғаннан кейін 80 минуттан соң белгілі мөлшерде табылған жоқ. FDP плазмаданқантамырлардан тыс тіндерге таралуының және эритроцитарлы және плазматикалық фосфатазалардың әсер етуімен бейорганикалық фосфатқа және фруктозаға гидролизденуінің арқасында жоғалады.
Фармакодинамикасы
Препараттың әсер етуінің негізгі механизмі – фосфофруктокиназа, пируваткиназа және лактаткиназа белсенділігі стимуляцияланатын және, ақырғы нәтижесінде, жасушаішілік жоғары энергетикалық фосфатты пулы артатын жасуша қабырғасымен өзара әрекеттесу. Оның жасушаішілік концентрациясы жасуша типіне байланысты ауытқып отырады. Адам эритроциттерінің ішіндегі FDP концентрациясы 6-10 мг/л жасушаны құрайды.
Жасуша бетімен өзара әрекеттесуі жасуша ішінде калий иондарының күшейген диффузиясы түрінде де білінеді. FDP гиперкалиемияның теріс зардаптарына қарсы әсер етеді, жүрек бұлшықеттерінде аденозинтрифосфат қорының төмендеуіне кедергі жасайды және жүрек қызметін демеп, оның тоқтап қалуына жол бермейді.
Миокард ишемиясында АТФ және креатинфосфат қорын сақтай отырып, FDP кардиореспираторлы реанимацияға жағдай жасайды, коронарлы артериялардың жедел окклюзиясынан туындаған некроз аймағын шектейді; жағымды кардиоциркуляторлы әсер тудырады және ауқымды миокард инфаркті бар, әсіресе ерте сатысындағы емделушілерге тағайындағанда гемодинамиканы жақсартады.
FDP геморрагиялық және жарақаттық шоктарда протективтік белсенділік танытады. FDP препаратының ми тіндерін қорғайтын әсері бар, бұл гипоксиялық күйзеліс зардаптарын төмендетеді.
Жүректің созылмалы ишемиялық аурулары бар емделушілерде FDP жұмыс қабілетін және жүктеме түскенде жүректің функциясын жақсартады; жүрекке цитостатиктердің уытты әсерлерінің биохимиялық және электрокардиографиялық біліністерін төмендетеді. FDP ұзаққа созылған ишемиялық кардиоплегиядан кейін жүрек қызметінің барынша қалпына келуін жылдамдатады.
FDP бауыр мен бүйректі ишемиядан және постишемиялық реперфузиядан туындаған функциональді және органикалық зақымданулардан қорғайды.
FDP шеткергі қантамырлар ауруларынан зардап шегіп жүрген емделушілерде қанның реологиялық көрсеткіштерін жақсартады. Қан құю көп рет жасалғанда FDP эритроцитішілік энергетикалық пулды арттырады, құйылатын плазмадағы калий концентрациясын азайтады, жасуша ішінде калий мен натрийдің қалыпты арақатынасын қалпына келтіреді, эритроциттердің серпінділігін және гемолитикалық төзімділігін жақсартады.
Ересектерде респираторлы дистресс-синдромды емдегенде, FDP толық жасушалардан гистаминнің босап шығуын тежеу және нейтрофильдерде бос оттегі радикалдарының түзілуіне жол бермеу арқылы өкпенің макроваскулярлы зақымдануының бәсеңдеуіне мүмкіндік береді.
FDP азотты тепе-теңдікке жағымды әсерін тигізеді және жалпы парентеральді түрде қоректендіру кезінде глюкозаның утилизациясына жәрдемдеседі.
Қолданылуы
- гипофосфатемияда
Қолдану тәсілі және дозалары
FDP көктамыр ішіне енгізуге ғана арналған.
Көктамыр ішіне тездетіп құю үшін (минутына 1 г-ға дейінгі жылдамдықпен, бұл минутына 10 мл-ге дейінгі жылдамдыққа сәйкес келеді) 5 г FDP препаратын 10% ерітінді алу үшін жанына салынған 50 мл еріткіште сұйылтады. Ұсынылған тәуліктік дозалар және емдеу ұзақтығы жағдайдың ауырлығымен анықталады. Ауыр жағдайларда препаратты әдетте 70-160 мг/кг (тәулігіне 2 құтыға сәйкес келеді) есебінен енгізеді. Өте жоғары дозаларды енгізу қажет болғанда жалпы тәуліктік дозаны 2 бөліп енгізу керек.
Гипофосфатемияны емдеу үшін тағайындалатын мөлшер фосфордың шамадан тыс пайда болуына жол бермеу үшін оның тапшылығының айқындылығына байланысты болуы тиіс.
Маңызды!
Дайындалған ерітінді мөлдір, түссіз немесе ашық сары болуы тиіс, бөгде бөлшектер болмауы керек. Ерітіндіні дайындап болу бойына пайдалану керек.
Дайындалған ерітіндіні тек бір рет пайдалануға болады. Қолданудан қалған кез келген мөлшерді тастау керек.
Жағымсыз әсерлері
Өте сирек
- гиперфосфатемия (теңдестірілмеген дозаларда)
- минутына 10 мл-ден жоғары жылдамдықпен құйған жағдайда анафилактикалық шокқа дейін болатын ауырлығы әртүрлі дәрежедегі аллергиялық реакциялар, құйылу сезімі, солқылдау, аяқ-қолдың «жыбырлауы», аяқ-қолдардың ұюы
- енгізген жердің ауыруы, терінің тітіркенуі, тромбоздар, флебиттер (экстравазацияда)
Қолдануға болмайтын жағдайлар
- препаратқа белгілі асқын сезімталдық
- гиперфосфатемия
- бүйрек жеткіліксіздігі
- тұқым қуалайтын фруктоза жақпаушылығы
- 18 жасқа дейінгі балалар және жасөспірімдер (тиімділігі және қауіпсіздігі анықталған жоқ)
- жүктілік және лактация кезеңі (қауіпсіздігі және тиімділігі жөнінде деректер жоқ болғандықтан)
Дәрілермен өзара әрекеттесуі
FDP препаратының басқа дәрілік препараттармен өзара әрекеттесуі тіркелмеген.
Үйлесімділігі: FDP препаратын рН3,5 пен 5,8 аралығында болатын ерімейтін басқа препараттармен, сондай-ақ кальций тұздарының сілтілік ерітінділерімен біріктірмеген жөн. Басқа ерітінділермен араластыруға болмайды.
Айрықша нұсқаулар
Креатинин клиренсі минутына 50 мл-ден төмен болатын емделушілерде қандағы фосфаттар деңгейін ұдайы бақылап отырған жөн, гиперфосфатемия белгілері пайда болғанда препарат дозасын төмендету керек.
Емдеу кезінде плазмадағы электролиттер деңгейін бақылап отыру қажет.
Көлік құралдарын немесе қауіпті механизмдерді басқару қабілетіне ықпал ету ерекшеліктері
Көлік құралдарын немесе қауіпті механизмдерді басқарған кезде сақ болған жөн.
Артық дозалануы
FDPпрепаратының артық дозалану симптомдары белгісіз.
Шығарылу түрі және қаптамасы
Хлорбутилді резеңке тығынмен тығындалған, алюминий қалпақшамен қаусырылған ІІ типті түссіз шыны құтыда 5 г препараттан.
Түссіз шыны құтыда 50 мл еріткіштен.
Көктамыр ішіне енгізуге арналған жүйесі бар жиынтықта ішінде препараты бар 1 құты, еріткіші бар 1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.
Сақтау шарттары
250 С-ден аспайтын температурада сақтау керек.
Қаптамасы бүлінген препаратты пайдалануға болмайды.
Балалардың қолы жетпейтін жерде сақтау керек!
Сақтау мерзімі
5 жыл.
Қалпына келтірілген ерітінді дайындалу бойына бірден пайдаланылады.
Талапқа сай сақталған жағдайда ғана жарамдылық мерзімі күшінде болады.
Жарамдылық мерзімі өткеннен кейін қолдануға болмайды!
Дәріханадан босатылу шарттары
Рецепт арқылы.
Өндіруші
Fisiopharma Srl, Италия
Тіркеу куәлігі иесінің атауы және елі
Fisiopharma Srl, Италия
Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы
«Медэкспорт Италия» Консорциум өкілдігі, Алматы қ-сы, Әйтеке би к-сі, 88
Телефон нөмірі: +7 727 279 99 00
Электрондық поштасы: officealmaty@gmail.com
