Амвастан 20 мг, №30, табл.

Сипаттама

Дәрілік затты медициналық қолдану жөніндегі нұсқаулық

АМВАСТАН

Саудалықатауы

Амвастан

Халықаралықпатенттелмегенатауы

Аторвастатин

Дәрілік түрі

Үлбірлі қабықпен қапталған таблеткалар, 10 мг, 20 мг

Құрамы

Бір таблеткақұрамында

белсенді зат - 10, 20 мг аторвастатин (10,85 мг, 21,7 мг кальций аторвастатин тригидраты түрінде),

қосымша заттар: кальций карбонаты, лактоза моногидраты, микрокристалды целлюло­за, натрий кроскармеллозасы, сахароза стеараты, магний стеараты,

қабық құрамы: Опадрай ақ (Y -1-7000): гидроксипропилметилцеллюлоза 29105 ср, полиэтиленгликоль 400, титанның қостотығы (Е171).

Сипаттамасы

Екі беті дөңес, дөңгелек, үлбірлі қабықпен қапталған ақ түсті таблеткалар (10 мг доза үшін).

Бір жақ бетінде сызығы бар, екі беті дөңес, дөңгелек, үлбірлі қабықпен қапталған ақ түсті таблеткалар (20 мг доза үшін).

Фармакотерапиялық тобы

Жүрек-қантамыр ауруларын емдеуге арналған препараттар.

Гиполипидемиялық препараттар. Гипохолестеринемиялық және гипотриглицеридемиялық препараттар. ГМГ-КоА-редуктаза тежегіштері. Аторвастатин.

АТХ коды С10АА05

Фармакологиялық қасиеттері

Фармакокинетикасы

Сіңуі: Аторвастатин ішке қабылдағаннан кейін тез сіңеді; С_шах жету уақыты 1-2 сағ. Препараттың сіңу дәрежесі мен дозасының арасында дозаға тәуелділік анықталды. Биожетімділігі - 12%, ГМГ-КоА-редуктазасына қарағанда, тежеу белсенділігінің жүйелік биожетімділігі - 30%. Төмен жүйелік биожетімділігі асқазан-ішек жолының шырышты қабығындағы жүйе алды метаболизмі және бауыр арқылы «алғашқы өту» нәтижесіне негізделген.

Таралуы: таралу көлемі шамамен 381 л құрайды. Плазма ақуыздарымен байланысу дәрежесі >98%.

Метаболизмі: Аторвастатин бета-тотығуының орто- және парагидроксилденген туынды және әртүрлі өнімдерінің фармакологиялық белсенді метаболиттерін түзеп, CYP3A4 цитохромының әсерімен басым бөлігі бауырда метаболизденеді. ГМГ-КоА-редуктазасына қатысты препараттың тежеу әсері шамамен 70%-ы айналыстағы мета­болиттердің белсенділігімен анықталады.

Бөлінуі: Бауыр және/немесе бауырдан тыс ме­таболизмнен кейін өтпен бөлінеді (айқын ішек-бауыр рециркуляциясына ұшырамайды). Аторвастатиннің жартылай шығарылу кезеңі шамамен 14 сағ, бірақ белсенді метаболиттердің болуына байланысты ГМГ-КоА-редуктазасына қатысты жартылай тежеу белсенділігі 20-30 сағатты құрайды.

Егде жастағы пациенттерде (65 және одан жоғары жастағыларда) аторвастатиннің С_mах және AUC орта жастағы пациенттердегіден тиісінше 40 және 30%-ға жоғары (клиникалық мәні жоқ).

Бүйрек аурулары аторвастатиннің плазмалық концентрацияларына немесе ТТЛП деңгейінің төмендеуіне әсер етпейді; мұндай пациенттерде дозаны түзетудің қажеттігі жоқ. Плазманың ақуыздарымен қарқынды байланысу салдарынан гемодиализ барысында шығарылмайды.

Бауырдың алкогольді зақымдануларымен пациенттерде аторвастатиннің плазмалық концентрациялары едәуір жоғарылайды (ауыр жағдайларда С_mах және AUC тиісінше 16 және 11 рет артады).

Фармакодинамикасы

Гиполипидемиялық дәрі. Аторвастатин – холестеринді қоса, стеролдардың ізашары болып табылатын, мевалон қышқылына З-гидрокси-3-метилглутарилкоэнзим А айналатын ГМГ-КоА-редуктаза-ферментінің селективті бәсекелі тежегіші. ТГ және бауырдағы холестерин ТӨТЛП құрамына қамтылады, плазмаға түсіп, шеткері тіндерге тасымалданады. ТТЛП рецепторларымен өзара әрекеттесу барысында ТӨТЛП-нен ТТЛП түзіледі.

ГМГ-КоА-редуктазаның бәсеңдету, бауырда холестериннің синтезі және жасушалардың беткейіндегі ТТЛП «бауырлық» рецепторларының санының көбеюі есебінен плазмадағы холестерин мен липопротеиндердің деңгейлерін төмендетеді, бұл ТТЛП қармалуын және катаболизм күшеюіне әкеледі. ТТЛП түзілуін төмендетеді, ТТЛП-рецепторлары белсенділігінің айқын және тұрақты жоғарылауын туындатады. Әдетте гиполипидемиялық дәрілік құралдармен емдеуге келмейтін гомозиготалы отбасылық гиперхолестеринемиямен науқастарда ТТЛП деңгейін төмендетеді. Жалпы холестериннің деңгейін 30-46%, ТТЛП - 41-61%, В аполипопротеинін - 34-50% және ТГ - 14-33% төмендетеді; холестерин - ТТЛПдеңгейін және А аполипопротеинінің деңгейінің артуын туындатады. Басқа гиполипидемиялық дәрілік заттармен емдеуге рези­стентті гомозиготалы тұқым қуалайтын гиперхолестеринемиямен науқастарда ТТЛП деңгейін дозаға тәуелді төмендетеді. Ишемиялық асқынулардың даму қаупін (соның ішінде миокард инфарктынан өлімнің даму) 16%-ға, миокард ишемиясының белгілерімен қатар жүретін стенокардияға қатысты қайтадан ауруханаға жатқызу қаупін 26%-ға сенімді төмендетеді. Канцерогенді және мутагенді әсер етпейді. Емдік әсерге емдеу басталғаннан кейін 2 аптадан соң қол жеткізіледі, 4 аптадан соң ең жоғары шегіне жетіп, емдеудің барлық кезеңінде сақталады.

Қолданылуы

- отбасылық гетерозиготалы түрін қоса, бастапқы гиперхолестеринемиясы, біріккен (аралас) гиперлипидемиясы (Фредериксон бойынша IIa және IIb типтері) бар, қан плазмасындағы триглицеридтер мөлшері жоғары науқастарда диетамен емдеу кезінде талапқа сай әсері болмаған жағдайда қан плазмасындағы жалпы холестерин, Хс-ТТЛП, аполипопротеин В және триглицеридтер мөлшері жоғары пациенттерді емдеу үшін диетаға қосымша ретінде

- гомозиготалы отбасылық гиперхолестеринемиясы бар науқастарда диетамен емдеу және басқа фармакологиялық емес емдеу әдістерінің тиімділігі жеткіліксіз болған жағдайда, қан плазмасындағы жалпы холестерин мен Хс-ТТЛП мөлшерін төмендету үшін

- басқа қауіп факторларын реттеуге қосымша ретінде, жоғары қаупі бар ересек пациенттерде жүрек-қантамыр ауруларының профилактикасы

- гетерозиготалы отбасылық гиперхолестеринемиясы бар, қан плазмасындағы жалпы холестерин, Хс-ТТЛП және аполипопротеин В мөлшері жоғары, 10-17 жас шамасындағы балаларды емдеу үшін диетамен бірге, және басқа фармакологиялық емес шаралар жеткіліксіз болған жағдайда.

Қолдану тәсілі және дозалары

Аторвастатинмен емдеуді бастар алдында пациенттерді, атап айтқанда семіздіктен зардап шегіп жүрген пациенттерді, гиперхолестеринемияны бақылауға алу мақсатында стандартты, холестерин деңгейін төмендететін диета мен дене салмағын азайту бағдарламасына отырғызу керек. Пациенттер ондай диетаны емдеу кезеңі бойына ұстануы тиіс.

Дозасы Хс-ТЖЛП бастапқы деңгейіне, емдеудің мақсаты мен пациенттің жауап реакциясына байланысты жекелей таңдалуы тиіс.

Стандартты бастапқы дозасы тәулігіне бір рет 10 мг құрайды.Дозасын түзету4 апта және одан көп аралықтармен жүргізілуі тиіс.Ең жоғарғы дозасы тәулігіне бір рет 80 мг құрайды.

Амвастанның күнделікті дозасы күннің кез келген уақытында тамақпен бірге немесе ас ішу уақытына байланыссыз бір рет қабылданады. Емдеу ұзақтығын емдеуші дәрігер жекелей белгілейді.

Бастапқы гиперхолестеринемия және біріккен (аралас) гиперлипидемия

Тәулігіне бір рет 10 мг-ден. Емдік әсері әдетте 2 апта ішінде байқалады, ал ең жоғарғы емдік әсеріне әдетте 4 апта ішінде жетеді. Әсерін тұрақты емдеумен демеп тұруға болады.

Гетерозиготалы отбасылық гиперхолестеринемия

Пациенттерге емдеуді Амвастанның тәулігіне 10 мг дозасынан бастау керек. Дозасын таңдау кезінде жекелей тұрғыдан ыңғайын табу керек, дозасын әр 4 апта сайын тәулігіне 40 мг-ге дейін түзетіп отыру керек. Бұдан кейін Амвастанның дозасын ең көбі тәулігіне 80 мг дейін арттыруға болады немесе тәулігіне бір рет 40 мг дозасын өт қышқылының экскрециясын күшейтетін препаратпен бірге қабылдауға болады.

Гомозиготалы отбасылық гиперхолестеринемия

Гомозиготалы отбасылық гиперхолестеринемиясы бар пациенттерде Амвастанның дозасы тәулігіне 10 мг-ден 80 мг дейінді құрайды. Амвастанды бұл пациенттерде гиполипидемия емінің басқа түрлеріне қосымша ретінде (мысалы, ТТЛП-аферезі), немесеондай ем қолжетімсіз болған жағдайда қолдану керек.

Жүрек-қантамыр ауруларының профилактикасы

Бастапқы профилактика кезінде дозасы тәулігіне 10 мг құрайды. Холестериннің (ТТЛП) мақсатты деңгейлеріне жету үшін, дәрігердің ұсынымдарына сәйкес жоғарырақ дозалары (тәулігіне 10 мг асатын) қажет болуы мүмкін.

Бүйрек жеткіліксіздігі

Дозасын түзету қажет емес.

Бауыр жеткіліксіздігі

Амвастанды бауыр жеткіліксіздігі бар пациенттерде сақтықпен пайдалану керек. Препаратты қабылдау белсенді сатыдағы бауыр ауруы бар пациенттерге қарсы көрсетілімді.

Егде жастағы пациенттер

Препараттың тиімділігі мен қауіпсіздігін зерттеулердің нәтижелері бойынша, 70 жастан асқан пациенттерге пациенттердің қалған барлық санаттары үшін қолданылатын дозаларына ұқсас дозаларын пайдалану ұсынылады.

Педиатрияда қолданылуы

Гетерозиготалы отбасылық гиперхолестеринемия (10-17 жас шамасындағы пациенттер).

Ұсынылатын бастапқы дозасы күніне бір 1 рет 10 мг; ұсынылатын ең жоғарғы дозасы күніне 1 рет 20 мг (мұндай жастағы науқастарда бұдан жоғары дозаларын тағайындау зерттелмеген). Дозасын кемінде 4 апта аралықпен, плазманың липидтік бейінін бақылай отырып өзгерту керек.

Гиперхолестеринемия

Педиатрияда қолдануды тек балалардағы гиперлипидемияны емдеуде тәжірибесі бар дәрігерлер ғана жүргізуі тиіс, сонымен қатар қол жеткізілген ілгерілеуге баға беру үшін, пациенттер жүйелі түрде қадағалануы тиіс.

10 жасқа толған және одан үлкен пациенттер үшін, тәулігіне 20 мг дейін титрленуімен аторвастатиннің ұсынылатын бастапқы дозасы тәулігіне 10 мг құрайды. Титрлеуді жеке реакцияға сәйкес және препараттың бала жастағы пациенттердегі көтерімділігін ескере отырып жүргізу керек. Қазіргі кезде препаратты шамамен 0,5 мг/кг-ге сәйкес келетін 20 мг-ден артық дозаларын қабылдаған балалар үшін қауіпсіздігі туралы ақпарат шектеулі.

6 жастан 10 жасқа дейінгі балаларды препаратпен емдеу тәжірибесі шектеулі. Аторвастатин 10 жасқа толмаған балаларды емдеу үшін көрсетілмеген.

Жағымсыз әсерлері

Клиникалық зерттеулер кезіндегі төменде атап келтірілген жағымсыз әсерлерінің жиілігі келесі критерийлерді пайдаланып анықталған: жиі(≥1/100 - 1/10 дейін); жиі емес (≥ 1/1000 - 1/100 дейін); сирек (≥ 1/10000 - 1/1000 дейін); өте сирек (1/10000 дейін), жиілігі белгісіз (қолжетімді деректер бойынша бағалау мүмкін емес).

Жиі

• назофарингит
• аллергиялық реакциялар
• гипергликемия
• бас ауыруы
• жұтқыншақ пен көмейдің ауыруы, мұрыннан қан кету
• іш қатуы, метеоризм, диспепсия, жүрек айнуы, диарея
• миалгия, артралгия, аяқ-қолдардың ауыруы, бұлшықет құрысулары, буындардың ісінуі, арқаның ауыруы
• бауыр функциясының зертханалық көрсеткіштерінің ауытқулары, қандағы креатинкиназа деңгейінің жоғарылауы
• гипогликемия, дене салмағының жоғарылауы, анорексия
• түнгі қорқыныштар, ұйқысыздық
• бас айналуы, парестезия, гипостезия, дисгевзия (дәм сезудің бұрмалануы), амнезия
• жинақтап көре алмау
• құлақтағы шуыл
• құсу, құрсақ қуысының жоғарғы және төменгі бөліктерінің ауыруы, кекіру, панкреатит
• гепатит
• есекжем, тері бөртпесі, қышыну, алопеция (шаштың ошақтық түсуі)
• мойынның ауыруы, бұлшықеттің талуы
• дімкәстік, жалпы әлсіздік, кеуденің ауыруы, шеткері ісінулер, қажығыштық, гипертермия
• несепте лейкоциттердің болуы
• тромбоцитопения
• шеткері нейропатия
• көрудің нашарлауы
• холестаз
• Квинке ісінуі, полиморфты эритеманы қоса буллездік дерматит, Стивен-Джонсон синдромы және уытты эпидермальді некролиз
• миопатия, миозит, рабдомиолиз, кейде үзілумен асқынатын тендинопатия (сіңірлердің жарақаттары)
• анафилаксия
• естімей қалу
• бауыр жеткіліксіздігі
• гинекомастия
• иммунитетке байланысты некрозданған миопатия
• жыныстық функцияның бұзылысы
• депрессия
• өкпенің интерстициальді ауруының бірен-саран жағдайлары, әсіресе ұзақ емдеу кезінде
• қант диабеті: жиілігі қауіп факторларының (аш қарындағы қандағы глюкозы концентрациясы 5,6 ммоль/л артық болуы, ДСИ 30 кг/м² артық болуы, триглицеридтер деңгейінің жоғарылығы, анамнездегі гипертония) болуына немесе болмауына байланысты болып келеді.
• бас ауыруы
• іш ауыруы
• АЛТ деңгейінің жоғарылауы, қандағы креатинфосфокиназа деңгейінің жоғарылауы

Жиі емес

Сирек

Өте сирек

Жиілігі белгісіз (қолда бар деректер бойынша анықтау мүмкін емес)

Кейбір статиндерді қабылдағанда

Басқа ГМГ-КоА-редуктаза тежегіштерін қабылдаған жағдайдағы сияқты, аторвастатинді қабылдап жүрген пациенттерде, трансаминазалар деңгейінің жоғарылағаны білінді. Бұл өзгерістер, әдетте, әлсіз, қысқа мерзімді болды және емдеуді тоқтатуды қажет еткен жоқ. Қан сарысуындағы трансаминазалар деңгейінің клиникалық тұрғыдан маңызды жоғарылауы (жоғарғы қалып шегінен 3 еседен артық) аторвастатинді қабылдаған 0,8% пациентте орын алды. Бұл жоғарылау барлық пациенттерде дозасына тәуелді және қайтымды болды.

Сарысудағы креатинкиназа (КК) деңгейі үшін жоғарғы қалып шегінен 3 еседен артық жоғарылау аторвастатинді қабылдаған 2,5% пациентте байқалды; осыған ұқсас көрсеткіш ГМГ-CoA-редуктазаның басқа да тежегіштер үшін жүргізілген клиникалық зерттеулер барысында байқалды. Жоғарғы қалып шегінен 10 есе жоғарылауы аторвастатинді қабылдаған пациенттердің 0,4%-ында орын алды.

Балалардағы жағымсыз әсерлері

Жиі

Қолда бар мәліметтерге қарап, аторвастатинді қабылдаған балалардағы жағымсыз реакциялардың жиілігі, типі мен ауырлығы ересектердегідей деп шамалауға болады. Қазіргі кезде препараттың бала жастағы пациенттер үшін ұзақ мерзімді қауіпсіздігі туралы деректер шектеулі.

Қолдануға болмайтын жағдайлар

- препарат компоненттерінің кез келгеніне жоғары сезімталдық

- шығу тегі белгісіз бауырдың белсенді ауруы немесе сарысу трансаминазалары деңгейінің жоғарылауы (жоғарғы қалып шегімен салыстырғанда 3 еседен артық)

- тұқым қуалайтын лактозаны көтере алмаушылығы, Lapp -лактаза ферментінің тапшылығы, глюкоза-галактоза мальабсорбциясы бар пациенттер

- жүктілік және лактация кезеңі, сондай-ақ, контрацепцияның талапқа сай әдістерін пайдаланып жүрмеген ұрпақ өрбіту жасындағы әйелдер

- 10 жасқа дейінгі балаларға

Дәрілермен өзара әрекеттесуі

Аторвастатин P4503A4 (CYP3A4) цитохромы арқылы метаболизденеді және тасымалдағыш ақуыздар үшін (мысалы, бауырдың ОАТР1В1 қармауының тасымалдағышы) субстрат болып табылады. CYP3A4 тежегіштері болып табылатын дәрілік заттарды немесе тасымалдағыш ақуыздарды бір мезгілде қолдану қан плазмасындағы аторвастатин концентрациясының артуына алып келуі және миопатияның даму қаупін арттыруы мүмкін. Сондай-ақ қауіп аторвастатинді миопатия тудыруға қабілетті басқа дәрілік заттармен, мысалы,фибрин қышқылының туындыларымен және эзетимибпен бір мезгілде қабылдаған кезде де артуы мүмкін.

CYP3A4 тежегіштері

CYP3A4 күшті тежегіштері аторвастатин концентрациясының елеулі жоғарылауына алып келетіні дәлелденді. CYP3A4 күшті тежегіштерінің (мысалы, циклоспоринді, телитромицинді, кларитромицинді, делавирдинді, стирипентолды, кетоконазолды, вориконазолды, итраконазолды, позаконазол және ритонавир, лопинавир, атазанавир, индинавир, дарунавир және т.б. қоса, АИТВ протеазасы тежегіштерін) бір мезгілде қолданылуын мүмкіндігінше болдырмаған дұрыс. Егер аталған дәрілік заттарды аторвастатинмен бірге қабылдау аса қажет болса, аторвастатиннің бастапқы және ең жоғарғы дозаларын азайту керек, және пациенттерге сәйкесінше клиникалық мониторинг ұсынылады.

CYP3A4 әсері орташа тежегіштері

CYP3A4 әсері орташа тежегіштері (мысалы, эритромицин, дилтиазем, верапамил және флуконазол) аторвастатиннің плазмадағы концентрациясының жоғарылауын туғызуы мүмкін. Миопатия қаупінің жоғарылауы эритромициндістатиндермен бірге пайдаланған кезде байқалады. Амиодарон немесе верапамилдің аторвастатинге әсерін зерттей отырып дәрілік заттардың өзара әрекеттесуіне зерттеулер жүргізілген жоқ. Амиодарон мен верапамилдің CYP3A4 белсенділігін тежейтіні анықталған, сондықтан оларды аторвастатинмен бірге пайдалану оның әсерінің күшеюіне алып келуі мүмкін. Осылайша, аторвастатиннің ең жоғарғы төменірек дозасын тағайындау қажет және препаратты CYP3A4 әсері орташа тежегіштерімен бір мезгілде қабылдағанда пациенттерге сәйкесінше клиникалық мониторинг жүргізу ұсынылады. Сәйкесінше клиникалық қадағалаулар емдеу басталғаннан кейін немесе тежегіштің дозасын түзеткеннен кейін ұсынылады.

CYP3A4 индукторлары

Аторвастатинді Р4503А цитохромынына индукторларымен (мысалы, эфавирензбен, рифампицинмен, шайқураймен) бір мезгілде қабылдау аторвастатиннің плазмадағы концентрациясының айнымалы төмендеуіне алып келуі мүмкін. Рифампициннің өзара әрекеттесуінің қосарлы механизміне (Р4503А цитохромының индукциясына және бауырдың препаратты сіңіруінің OATP1B1 тасымалдағышын тежеуіне) сәйкес, аторвастатин мен рифампицинді бір мезгілде қолдану ұсынылады, өйткені рифампициннен кейін біраз уақыттан соң аторвастатинді қабылдау плазмадағы аторвастатин концентрациясының елеулі төмендеуін туғызады. Алайда аторвастатиннің гепатоциттердегі рифампицин концентрациясына әсері анықталған жоқ, сондықтан егер қатарлас қабылдау аса қажет болса, пациенттерде емдеудің тиімділігіне мұқият қадағалау жүргізу қажет.

Тасымалдағыш ақуыздардың тежегіштері

Тасымалдағыш ақуыздардың тежегіштері (мысалы, циклоспорин) аторвастатиннің жалпы әсерін күшейтуі мүмкін. Препараттың тасымалдағыштардың бауырға сіңуін тежеуінің аторвастатин концентрациясына әсері белгісіз. Егер қатарлас қабылдау аса қажет болса, дозасын азайту және емдеудің тиімділігіне клиникалық мониторинг жүргізу ұсынылады.

Гемфиброзил/ фиброй қышқылының туындылары

Фибраттармен монотерапия кейде рабдомиолизді қоса, бұлшықет жүйесі тарапынан қиындықтарды туғызады. Бұл қауіп фиброй қышқылы мен аторвастатинді қатарлас қабылдаған кезде арта түсуі мүмкін. Егер қатарлас қабылдау аса қажет болса, емдік мақсатқа қол жеткізу үшін аторвастатиннің ең аз дозаларын тағайындау және пациенттерді тиісінше қадағалауды жүзеге асыру қажет.

Эзетимиб

Эзетимибпен монотерапия рабдомиолизді қоса, бұлшықет жүйесі тарапынан қиындықтарды туғызады. Сондықтан бұл қауіп эзетимиб пен аторвастатинді қатарлас қабылдаған кезде арта түсуі мүмкін. Мұндай пациенттерге сәйкесінше клиникалық мониторинг жүргізу ұсынылады.

Колестипол

Аторвастатин мен оның плазмадағы белсенді метаболиттерінің концентрациясы колестиполмен және аторвастатинмен қатарлас емдеумен салыстырғанда төмен (шамамен 25%-ға) болды. Липидтер деңгейіне әсері, аторвастатин және колестипол препараттарын бір мезгілде қабылдаған кезде, аталғанпрепараттармен монотерапия кезіндегі деңгейімен салыстырғанда жоғарырақ болды.

Фузидий қышқылы

Аторвастатин мен фузидий қышқылының өзара әрекеттесуін зерттеулер жүргізілген жоқ. Басқа статиндермен жағдайдағы сияқты, аторвастатинмен және фузидий қышқылымен қатарлас емдеуді тіркеуден кейінгі қадағалаулар барысында бұлшықеттер тарапынан қиындықтар, соның ішінде рабдомиолиз байқалды. Аталған өзара әрекеттесудің механизмі белгісіз. Пациенттерді мұқият қадағалауды жүзеге асыру, және кейбір жағдайларда аторвастатинді тағайындауды уақытша тоқтата тұру керек.

Колхицин

Аторвастатин мен колхициннің өзара әрекеттесулерін зерттеулер жүргізілмегендігіне қарамастан, аторвастатинмен және колхицинмен қатарлас емдеу кезіндегі миопатия жағдайлары хабарланды, және сондықтан да, аторвастатинді колхицинмен бірге тағайындаған кезде сақтық таныту керек.

Дигоксин

Дигоксиннің бірнеше реттік дозалары мен 10 мг аторвастатинді бірге қабылдағанда дигоксиннің тепе-теңдік концентрациялары елеусіз артты. Дигоксинді қабылдап жүрген пациенттерге дәрігердің қадағалау қажет.

Варфарин

Аторвастатиннің варфаринмен клиникалық тұрғыдан маңызды өзара әркеттесуінің белгілері анықталған жоқ.

Антикоагулянтармен клиникалық маңызы бар өзара әрекеттесулерінің өте сирек жағдайлары туралы хабарланды. Аторвастатинмен емдеуді бастар алдында және ары қарай, емдеудің басында кумариндік антикоагулянттарды қабылдап жүрген пациенттерде протромбиндік уақытты анықтау ұсынылады.

Боцепревир

Аторвастатин мен боцепревирді бір мезгілде қабылдаған пациенттерде бастапқы дозасын төмендету және клиникалық мониторинг жүргізуді жүзеге асыру ұсынылады. Боцепревирмен қатарлас емдеу кезінде аторвастатиннің күнделікті дозасы 20 мг-ден аспауы тиіс.

Пероральді контрацептивтер

Аторвастатин мен пероральді контрацептивтерді бірге пайдалану плазмадағы норэтиндрон мен этинилэстрадиол концентрациясының жоғарылауын туғызады.

Айрықша нұсқаулар

Емдеу басталғанға дейін және аяқталғаннан кейін мезгіл-мезгіл бауыр функциясына тексерулер жүргізілуі тиіс. Сондай-ақ, бауыр функциясының тексерулері бауырдың зақымдануын көрсететін қандай-да бір белгілері немесе симптомдары бар пациенттерде жүргізілуі тиіс. "Бауыр" трансаминазаларының мөлшері жоғарылаған жағдайда, олардың деңгейін қалып шектеріне жеткенше бақылауға алу керек. Егер трансаминазалар деңгейінің жоғарғы қалып шегінен 3 еседен артық жоғарылауы сақталса, дозасын азайту немесе қабылдауды толығымен тоқтату ұсынылады.

Аторвастатинді алкогольдік ішімдіктерді шамадан тыс пайдаланған және/немесе анамнезінде бауыр аурулары бар пациенттерде сақтықпен қолдану керек.

Геморрагиялық инсульт немесе мидың лакунарлық инфарктісін бастан өткерген пациенттер үшін, 80 мг аторвастатиннің қауіптер мен артықшылықтарының теңгерімі анық емес болып табылады. Ондай пациенттерде емдеуді бастағанға дейін геморрагиялық инсульттің ықтимал қаупін қарастыру керек.

Аторвастатин, басқа ГМГ-КоА – редуктаза тежегіштері сияқты, сирек жағдайларда қаңқа бұлшықеттеріне әсер етуі және миалгияны, миозитті, миопатияны тудыруы, олар рабдомиолизге, өмірге қауіп төндіруі ықтимал, креатинфосфокиназа деңгейінің елеулі жоғарылауымен (жоғарғы қалып шегінен (ЖҚШ) 10 есе жоғары) сипатталатын ауруларға, миоглобинемия мен миоглобинурияға дейін үдеуі мүмкін, бұл бүйрек жеткіліксіздігінің дамуына алып келуі мүмкін.

Аторвастатинді рабдомиолиздің дамуына бейім факторлары бар пациенттерге сақтықпен тағайындау керек. Креатинфосфокиназа (КФК) деңгейін статиндермен емдеу басталғанға дейін келесі жағдайларда саралау керек:

- бүйрек жеткіліксіздігі

- гипотиреоз

• жеке немесе отбасылық анамнездегі тұқым қуалайтын бұлшықет бұзылыстары
• анамнездегі бауыр ауруы және/немесе алкогольдік ішімдіктерді елеулі мөлшерде пайдалану

- анамнездегі, статиннен немесе фибраттан туындаған бұлшықеттік уыттылығы жағдайы

- егде жастағы (70 жастан асқан) пациенттерде аталған саралау қажеттілігін рабдомиолиз дамуының басқа бейімділік факторларының болуын ескере отырып қарастыру керек.

- қан плазмасындағы бір немесе басқа да заттардың деңгейі артуы мүмкін жағдайлар, мысалы, дәрілік заттардың өзара әрекеттесуі кезінде, сондай-ақ, тұқым қуалайтын аурулары бар адамдарды қоса, пациенттердің ерекше топтарында.

Мұндай жағдайларда, емдеудің қаупін болуы мүмкін пайдасына қатысты қарастыру керек, және клиникалық мониторинг жүргізу ұсынылады. Егер КФК деңгейлері қалыптан айтарлықтай жоғары (ЖҚШ 5 еседен артық) болса, емдеуді бастамау керек.

Қарқынды дене жүктемесінен кейін немесе КФК жоғарылауының баламалы себебі бар болса, креатинфосфокиназа (КФК) деңгейін өлшемеген дұрыс, өйткені бұл мәндерді интерпретациялауды қиындатады. Егер КФК деңгейлері бастапқы деңгейінен едәуір артық (ЖҚШ 5 еседен артық) болса, нәтижені растау үшін тексеруді 5 – 7 күн өткен соң қайталау керек.

Пациенттерге бұлшықет ауруының, құрысулар немесе әлсіздіктің туындағаны туралы, әсіресе егер олар дімкәстікпен немесе қызбамен қатар жүрсе, дереу хабарлау қажеттілігі туралы ескерту керек. Егер бұл симптомдар аторвастатинмен емдеу кезеңінде туындаса, онда КФК деңгейлерін өлшеу керек.Егер КФК анықталған деңгейлері айтарлықтай жоғары (жоғарғы қалып шегінен 5 еседен артық) болса, бұлшықет симптомдарының айқындығы күшті және күнделікті жайсыздықты туғызса, емдеуді тоқтату туралы мәселені қарастыру керек.

Егер симптомдары өтпелі болса, және КФК деңгейлері қалпына қайта келсе, аторвастатинді қайта қолдану немесе баламалы статинді төмен дозаларда және мұқият мониторингпен қолдану жөніндегі мәселені қарастыру керек.

Егер КК деңгейінің клиникалық тұрғыдан маңызды жоғарылауы (ЖҚШ-дан 10 еседен артық) анықталса немесе егер рабдомиолиз диагнозы қойылса немесе аталған ауруға күдік болса, аторвастатинді қабылдау тоқтатылуы тиіс.

Статиндермен емдеу кезінде немесе емдеуден кейінгі иммунитетке байланысты некрозданған миопатия (ИБНМ) туралы өте сирек хабарланған. ИБНМ клиникалық тұрғыдан проксимальді бұлшықеттердің тұрақты әлсіздігімен және қан сарысуындағы креатинкиназа белсенділігінің жоғарылауымен сипатталады, олар статиндермен емдеудің тоқтатылғандығына қарамастан, ұзаққа созылған сипатта келеді.

Егер аталған препараттарды аторвастатинмен бірге қабылдау қажет болса, қатарлас емнің пайдасы мен қауіптерін мұқият зерттеу керек. Егер пациенттер плазмадағы аторвастатин концентрациясын арттыратын дәрілік заттарды қабылдап жүрсе, аторвастатиннің төменірек ең жоғарғы дозасын тағайындау ұсынылады. CYP3A4 күшті тежегіштері қолданылған жағдайда, аторвастатиннің төменірек бастапқы дозасын тағайындау қажет, сондай-ақ ол пациенттерге сәйкесінше клиникалық мониторинг жүргізу ұсынылады.

Аторвастатин мен фузидий қышқылын бір мезгілде пайдалану ұсынылмайды сондықтан фузидий қышқылымен емдеу кезінде аторвастатинмен емдеуді тоқтата тұруға болады.

Кейбір статиндерді ерекше ұзақ қабылдаған кезде өкпенің интерстициальді ауруының аса сирек жағдайлары тіркелді. Келесі симптомдар байқалды: ентігу, өнімсіз жөтел және жалпы денсаулық жағдайының нашарлауы (шаршау, салмақ жоғалту және қызба жағдайы). Егер пациентте өкпенің интерстициальді аурының бар екендігіне күдік болса, статиндермен емдеуді тоқтату қажет.

Кейбір мәліметтер статиндерді қандағы глюкоза деңгейін арттыратын препараттар класы ретінде көрсетеді, ал диабеттің даму қаупі жоғары кейбір пациенттерде гипергликемия диабеттің ресімді емін тағайындау талапқа сай болатын дәрежеге дейін жетуі мүмкін. Алайда бұл қауіп қантамыр ауруларының қаупін статиндердің көмегімен төмендету арқылы жойылады және сәйкесінше, статиндермен емдеуді тоқтатуға себеп болмауы тиіс. Қауіп тобына жатқызылатын пациенттерге (аш қарындағы глюкоза деңгейі 5,6-6,9 ммоль/л, ДСИ>30 кг/м, триглицеридтер деңгейі жоғары, гипертониясы бар) мониторинг, ұлттық ұсынымдарға сәйкес, клиникалық және биохимиялық бақылау әдістерімен жүргізілуі тиіс.

Аторвастатинді қабылдау аясында грейпфрут шырынын көп мөлшерде пайдалану ұсынылмайды.

Жүктілік және лактация кезеңі

Аторвастатин жүктілік кезінде қарсы көрсетілімді. Бала туатын жастағы әйелдер препаратпен емделу кезінде ұрықтануға қарсы тиісінше шараларды қолдануы тиіс. Жүкті әйелдердің қатысуымен аторвастатинге ешқандай клиникалық зерттеу жүргізілген жоқ. ГМГ-КоА-редуктаза тежегіштерінің құрсақішілік әсерінен кейінгі туа біткен аномалиялар туралы хабарламалар саны азғантай. Жануарларға жүргізілген зерттеулер, препараттың ұрпақ өрбіту функциясына уытты әсер ететіндігін көрсетті.

Анасының аторвастатинмен емделуі шаранадахолестерин биосинтезінің ізашары болып табылатын мевалонат концентрациясын азайтуы мүмкін. Атеросклероз созылмалы үдеріс болып табылатындықтан, жүктілік кезінде гиполипидемиялық емді тоқтату бастапқы гиперхолестеринемиямен байланысты ұзақ мерзімді қауіптерге болар-болмас әсер етеді. Сондықтан аторвастатинді жүкті әйелдер мен жүктілікті жоспарлап жүрген немесе жүкті екендігіне күдік бар әйелдер қабылдамауы керек. Жүктілік кезінде немесе әйелді жүкті емес екендігі анықталғанша аторвастатинмен емдеуді тоқтату қажет.

Аторвастатиннің адамда сүтпен шығарылатын-шығарылмайтындығы жөнінде деректер жоқ. Егеуқұйрықтарда аторвастатин мен оның плазмадағы белсенді метаболиттерінің концентрациясы олардың сүттегі концентрациясына ұқсас. Күрделі жағымсыз әсерлердің туындау мүмкіндігіне байланысты, препаратты қабылдап жүрген әйелдер бала емізбеуі тиіс.

Аторвастатин бала емізу кезеңінде қарсы көрсетілімді.

Дәрілік заттың көлік құралы мен қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, автокөлік және басқа қауіптілігі зор механизмдерді басқаруда сақтық таныту керек.

Артық дозалануы

Симптомдары: жағымсыз әсерлерінің күшеюі.

Емі: арнайы антидоты жоқ. Симптоматикалық ем, бауырдың функционалдық тестілерін жүргізу және сарысудағы КФК деңгейлерін бақылау қажет. Аторвастатин қан плазмасы ақуыздарымен байланысатындықтан, гемодиализдің тиімділігі аз.

Шығарылу түрі және қаптамасы

Поливинилхлоридті үлбірден және баспалы алюминий фольгадан жасалған пішінді ұяшықты қаптамада 10 таблеткадан.

3 пішінді ұяшықты қаптама мемлекеттік және орыс тілдерінде жазылған қолданылуы жөніндегі нұсқаулықпен бірге картоннан жасалған қорапқа салынған.

Сақтаушарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«УОРЛД МЕДИЦИН ИЛАЧ САН. ВЕ ТИДЖ. А.Ш.», ТҮРКИЯ

(Багджылар Илчеси, Гюнешли, Эврен Махаллеси, Джами Йолу Джад. №50 К. 1В Земин 4-5-6, Стамбул)

“WORLD MEDICINE İLAÇ SAN. VE TİC. А.Ş.”, TURKEY

(Bağcılar İlçesi, Güneşli, Evren Mahallesi, Cami Yolu Cad. No:50 K. 1B Zemin 4-5-6, İstanbul).

Тіркеу куәлігінің иесі

«Ротафарм», Лондон/Ұлыбритания

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын ұйымныңатауы, мекенжайы және байланыс деректері:

«TROKA-S PHARMA» ЖШС, ҚР, Алматы қ., Сүйінбай д-лы, 222Б

Тел/факс: +7 (727) 2529090

Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері:

«TROKA-S PHARMA» ЖШС, ҚР, Алматы қ., Сүйінбай д-лы, 222Б

Ұялы тел +7 701 786 33 98 (24 сағат бойы).

e-mail:pvpharma@worldmedicine.kz

Қалалар