Парацетамол-УБФ 500 мг № 10 табл
Тауарлардың көрінісі фотосуретте көрсетілгеннен өзгеше болуы мүмкін

Парацетамол-УБФ 500 мг № 10 табл

Қолжетімділігі
Тауар қолда жоқ
Үлгі
4603179004587
Елі
Россия
  • Сипаттама

Сипаттама

Дәрілік заттың медицинада

қолданылуы жөніндегі

нұсқаулық

Парацетамол

Саудалық атауы

Парацетамол

Халықаралық патенттелмеген атауы

Парацетамол

Дәрілік түрі

0,5 г таблеткалар

Құрамы

Бір таблетканың құрамында

белсенді зат - 0,5 г парацетамол,

қосымша заттар: картоп крахмалы, стеарин қышқылы, крахмал патокасы, желатин.

Сипаттамасы

Сызығы мен ойығы бар тегіс цилиндр түріндегі, ақ немесе ақшыл крем реңдес түстегі таблеткалар.

Фармакотерапиялық тобы

Басқадай анальгетик-антипиретиктер. Анилиндер.

АТЖ коды N02BE01

Фармакологиялық қасиеттері

Фармакокинетикасы

Сіңуі – жоғары, қанплазмасындағы ең жоғарғы қанығу деңгейіне 0,5-2 сағаттан соң жетеді және 5-20 мкг/мл құрайды. Плазма ақуыздарымен байланысуы - 15%. Гематоэнцефалиялық кедергі арқылы өтеді. Бала емізіп жүрген аналардың қабылдаған парацетамол дозасының 1%-дан азы емшек сүтіне енеді. Парацетамолдың емдік тиімділігінің қанығу деңгейі плазмаға дене салмағының әр келісіне шаққанда 10-15 мг дозада тағайындаған кезде жетеді.

Бауырда (90-95%) метаболизденеді: 80%-ы глюкурон қышқылымен және белсенді емес метаболиттер түзе отырып сульфаттармен конъюгациялық реакцияға түседі; 17%-ы белсенді емес метаболиттермен түзіліп глутатионмен конъюгирленетін8 белсенді метаболиттер түзе отырып гидроксилденуге ұшырайды. Глутатин жеткіліксіздігі кезінде бұл метаболиттер гепатоциттер жүйесінің ферменттерін бөгеуі және олардың өліеттенуін тудыруы мүмкін. Препараттың метаболизмінде, сондай-ақ СҮР2Е1 изоферменті қатысады. Препараттың жартылай шығу кезеңі – 1-4 сағат. Бүйрек арқылы негізінен конъюгаттар метаболиттер түрінде, тек3%-ы ғана өзгермеген түрде шығады. Егде жастағы науқастарда препараттың клиренсі төмендейді және оның жартылай шығу кезеңі артады.

Фармакодинамикасы

Есірткілік емес аналгетиктерге жатады. Әсер ету механизмі бойынша іс жүзінде цикооксигеназаны бөгейтін және арахидон қышқылынан простагландиндердің түзілуін төмендететін басқадай қабынуға қарсы стероидты емес дәрілерден айырмашылығы жоқ. Орталық жүйке жүйесінде І және ІІ циклооксигеназаны ғана бөгеп, ауыру орталықтарына және жылуды реттеуге әсер етеді.

Қабынған тіндерде жасушалық пероксидазалар парацетамолдыңциклооксигеназаға ықпалын бейтараптандырады, ол қабынуға қарсы үдерістің толық болмауын түсіндіреді.

Қолданылуы

  • бас, бас сақинасы ауыруында, тіс ауыруында, невралгияда, миалгияда, меналгияда, жарақат кезіндегі ауыруларда
  • жұқпалы-қабынбалы аурулар кезіндегі қызбада

Қолдану тәсілдері және дозасы

Тамақ қабылдағаннан кейін 1-2 сағаттан соң сұйықтықтың көп мөлшерімен бірге ішу керек (тамақтан соң бірден қабылдау әсер етуді бәсеңдетеді).

Ересектер мен 12 жастан үлкен (дене салмағы 40 кг-ден артық) жасөспірімдерге бір реттік доза – 500 мг. Тағайындау жиілігі – тәулігіне 4 ретке дейін. Ең жоғарғы тәуліктік доза – 4,0 г; Балаларға: 6-дан 9 жасқа дейінгілерге (салмағы 30 кг-ге дейінгілерге) ең жоғарғы тәуліктік доза – 1,5 г, 9-дан 12 жасқа дейінгілерге (дене салмағы 40 кг-ге дейінгілерге) – 2,0 г.

Тағайындау жиілігі – тәулігіне 3-4 рет.

Анальгетик және ыстықты түсіретін дәрі ретінде қолданған кезде емдеудің ең көп ұзақтығы 3 күннен аспауға тиіс.

Жағымсыз әсерлер

- аллергиялық реакциялар (тері бөртпесі, тері қышымасы, есекжем, Квинке ісінуі)

- жүректің айнуы, құсу, іш тұсының ауыруы

- гепатотуытты әсерлер

- агранулоцитоз, лейкопения, тромбоцитопения

- анафилактикалық шок (сирек)

- бүйрек қызметінің бұзылуы, олигурия, анурия, протеинурия, интерстициальды гломерулонефрит

- конъюнктивитте және мұрын жұтқыншақтың шырышты қабығында уртикарлы бөртпе

- Стивенс-Джонсон синдромы

- уытты эпидермальді некролиз (Лайелл) синдромы

- бронхтық түйілу синдромы

- асептикалық пиурия

Қолдануға болмайтын жағдайлар

- бауыр және/немесе бүйрек қызметінің жеткіліксіздігінде

- глюкозо-6-фосфатдегидрогеназа ферменті тапшы болғанда

- анемияда, лейкопенияда

- парацетамолға деген сезімталдық жоғары болғанда

- 6 жасқа дейінгі балаларға

- жүктілікте және лактация кезеңінде

Дәрілермен өзара әрекеттесуі

Урикозуриялық дәрілік заттардың тиімділігін төмендетеді.
Парацетамолды жоғары дозаларда бірге қолдану антикоагулянттардың әсерін (бауырда прокоагулянтты факторлар синтезінің төмендеуін) арттырады. Бауырда микросомальды тотығу индукторлары (фенитоин, этанол, барбитураттар, рифампицин, фенилбутазон, трициклды антидепрессанттар), этанол және гепатоуытты дәрілік заттар гидроксилденген белсенді метаболиттердің жасалуын арттырады, ол тіпті аздап артық дозаланған кездің өзінде ауыр уыттанудың дамуын жүзеге асыруы мүмкін. Барбитураттарды ұзақ уақыт қолдану парацетамолдың тиімділігін төмендетеді. Микросомальды тотығу тежегіштері(оның ішінде циметидин) гепатоуытты әсер ету қаупін төмендетеді. Парацетамолды және қабынуға қарсы стероидты емес препараттарды ұзақ уақыт біріктіріп қолдану "анальгетикалық" нефропатия және бүйректік папиллярлы некроздың даму, бүйрек қызметі жеткіліксіздігінің терминальды стысының басталу қаупін арттырады. Парацетамолды жоғары дозаларда және салицилаттарды ұзақ уақыт бір мезгілде тағайындау бүйрекнемесе қуық қатерлі ісіктерінің даму қаупін арттырады. Дифлунисалпарацетамолдың плазмалық концентрациясын 50%-ға - гепатоуыттылықтың даму қаупін арттырады. Миелоуытты дәрілік заттар препараттың гематоуытылық көріністерін күшейтеді.

Атропин, петидин және басқадай спазмолитиктер препарат әсерінің басталуын кідіртеді. Холестерин және белсенділендірілген көмір сіңуін азайтады. Метоклопрамид резорбцияны жылдамдатады.

Айрықша нұсқаулар

3 күн қолданғаннан кейін шеткергі қанды және бауырдың қызмет жағдайын бақылауқажет.Бауырдың уытты зақымдануына жол бермес үшін препаратты алкоголь ішімдіктерімен біріктіріп қабылдамаған, сондай-ақ созылмалы маскүнемдікке бейім адамдардың қабылдамағандары жөн.

Педиатриялық практикада қолдану

Препараттың бұл дәрілік түрін 6 жасқа дейінгі балаларға беруге болмайды.

Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері

Дәрілік заттың қауіпті әсерлерін ескеріп, автокөлікті немесе қауіпті меанизмдерді басқарған кезде сақ болған жөн.

Шығарылу түрі және қаптамасы

0,5 г таблеткалар.Полимерлі жабындысы бар қағаздан немесе қағазбен біріктірілген материалдан немесе екі беті де картон негізде жасалған пішінді ұяшықсыз қаптамада 10 таблеткадан.

Сақтау шарттары

Құрғақ, жарықтан қорғалған, +15ºС-ден +30оС-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолданбаукерек.

Дәріханалардан босатылу шарттары

Рецептісіз

Өндіруші

“Тюмень химико-фармацевтикалық зауыт” ААҚ,

Ресей, 625005, Тюмень қ-сы, Береговая к-сі, Тел. (3452) 46-20-50

Тұтынушылардан өнім сапасы туралы түскен шағымдарды Қазақстан Республикасы аумағында қабылдайтын ұйымның мекенжайы:

“СТОФАРМ” ЖШС, 000100, Қазақстан Республикасы,

Қостанай облысы, Қостанай қ-сы, Орал к-сі, 14

тел. 714 228 01 79